EMRI/ Në kërkim ndërkombëtar për trafik droge dhe grup kriminal, arrestohet 38-vjeçari! Tentoi t’i ikë me vrap policisë, por…(VIDEO)

Policia e Durrësit ka arrestuar një 38 vjeçar i shpallur në kërkim ndërkombëtar për trafik të lëndëve narkotike.

Në pranga ka rënë Adem Dervishi i cili ishte shpallur në kërkim nga autoritetet italiane që e akuzojnë për veprat penale “Organizatë kriminale” dhe “trafik të lëndëve narkotike”.

Arrestimi i tij është bërë i mundur pas disa minutash ndjekje nga forcat operacionale të policisë në lagjen nr.14. Në momentin që e ka parë se ishte nën ndjekje, Adem Dervishi ka tentuar të ikë me vrap nga efektivët e policisë.

Ndërkohë pritet që në vijim të nisin procedurat për ekstradimin e tij drejt Italisë, ku gjykata i ka caktuar masën “arrest me burg”.

Njoftimi i policise

Vijon operacioni policor kombëtar i koduar “Sundimi i ligjit”, bazuar në inteligjencën policore për kapjen e shtetasve të shpallur në kërkim ndërkombëtar.

Tentoi t’iu ikte forcave operacionale, dhe shërbimeve të Komisariati Durrës, duke u larguar me shpejtësi, pas disa minutash ndjekjeje dhe kontrolli të territorit, forcat operacionale të DVP Durrës bënë të mundur lokalizmin, kapjen dhe arrestimin e 38-vjeçarit.

38-vjeçari i shpallur në kërkim ndërkombëtar nga autoritetet e drejtësisë italiane, për veprat penale “Organizata kriminale” dhe “Trafikimi i lëndëve narkotike”.

Në vijim të aksioneve intensive të Policisë, të kryera në kuadër të zbatimit të masave të përcaktuara në planin operacional kombëtar “Sundimi i ligjit”, për kapjen e shtetasve të shpallur në kërkim ndërkombëtar ose kombëtar, si dhe të atyre që posedojnë armë pa leje dhe lëndë narkotike, si dhe në bazë të informacioneve të siguruara nga inteligjenca policore, për një shtetas të kërkuar ndërkombëtarisht, i cili lëvizte në zonën e lagjes nr. 14, Durrës, shërbimet e Policisë organizuan punën për kapjen e tij.

Forcat e Posaçme Operacionale të DVP Durrës, në bashkëpunim me shërbimet e Komisariatit të Policisë Durrës, janë vënë në ndjekje të një shtetasi të kërkuar.

Ky shtetas, kur ka parë se ndiqej nga Policia, është larguar me shpejtësi në një zonë me kallamisht dhe errësirë të plotë, por pas disa minuta ndjekjeje dhe kontrollit të territorit, shërbimet e Policisë lokalizuan dhe prangosën 38-vjeçarin nga Durrësi.

Pas shkëmbimit të informacionit me Interpol Tiranën dhe Interpol Romën, në përfundim të veprimeve të para u bë arrestimi provizor me qëllim ekstradimin drejt Italisë, i shtetasit A. D., 38 vjeç, banues Likmetaj, Durrës.

38-vjeçari ishte shpallur në kërkim ndërkombëtar, pasi Gjykata e Napolit, Itali, i ka caktuar masën e sigurisë “Arrest me burg”, për veprat penale “Organizatë kriminale” dhe “Trafikimi i lëndëve narkotike” parashikuar nga Kodi Penal

italian.

Interpol Tirana, në bashkëpunim me Interpol Romën dhe agjencitë ligjzbatuese, vijon punën për ekstradimin e shtetasit A. D., drejt Italisë.